Óńirde epıdemıologıalyq jaǵdaı turaqty
Qyzylorda oblysynda epıdemıologıalyq jaǵdaı turaqtanyp keledi, dep habarlaıdy Almaty-akshamy.kz
Bıylǵy jyly indettiń órshigen ýaqyty tamyz aıynda tirkelgen. Qazirgi tańda aýrýdyń tómendeý qarqyny baıqalady.
«Búgingi kúnge deıin oblysta koronavırýs ınfeksıasynyń 18 297 jaǵdaıy tirkeldi. Onyń 81,4 paıyzy osy jyly anyqtalǵan. İndet ótken jylmen salystyrǵanda 4,4 esege joǵarylaǵan. Qazan aıynda aýrýdyń tómendeý qarqyny baıqalady. Qazan aıynyń on eki kúninde barlyǵy 353 jaǵdaı tirkelgen. Eń joǵarǵy kórsetkish bıylǵy jyldyń tamyz aıynda bolǵany belgili. Qazirgi tańda turǵyndar arasynda ujymdyq ımýnıtet qalyptasyp keledi. Alaıda indet juqtyrýshylardyń kópshiligi jumyssyz azamattar ekeni belgili. Degenmen, oblysta ekpe alý qarqyny belsendi túrde júrgizilip jatyr. Oblysta ekpe qory jetkilikti», - dedi oblystyq sanıtarlyq-epıdemıologıalyq baqylaý departamenti bastyǵynyń orynbasary Álıa Ábdiqaıymova.
Sondaı-aq, Qyzylordada ekpe qabyldaýǵa qabiletti azamattardyń 72 paıyzy vaksına saldyrdy.