«Teńizshevroıl» JSHS (TSHO) osyndaı qıyn-qystaý kezeńde Atyraý oblysynyń turǵyndarymen jáne Qazaqstan halqymen birge.
Bul jaǵdaıdyń halyqtyń ómirine eleýli áser etetinin eskere otyryp, sý tasqynyna qarsy jedel áreket etý sharalaryna jáne jaǵdaı basylǵannan keıin qalpyna keltirý jumystaryna qoldaý kórsetý maqsatynda Teńizshevroıl qazirgi tańda 2 mıllıard teńge qarajat bóledi.
Bul bólingen qarajat aımaq turǵyndary sý tasqynynyń tikeleı saldaryn joıýǵa jáne zardap shekkenderdiń turmysyn qalpyna keltirýge septigin tıgizetin mańyzdy úles bolyp tabylady.
Sý tasqynynyń alǵashqy belgileri kóringennen bastap, Teńizshevroıl múmkindiginshe qolda bar resýrstardy usyný arqyly jergilikti halyqqa jáne kópshiligi tasqyn sýdan zardap shekken aımaqtarda turatyn qyzmetkerlerine qoldaý kórsetý maqsatynda, óziniń bıznes seriktesterimen jáne Atyraý oblysynyń ákimdigimen yntymaqtasyp jumys isteýde.
Osy ýaqytqa deıin, TSHO men onyń bıznes seriktesteri 90-nan astam mamandandyrylǵan tehnıka, shamamen 30 avtobýs, sondaı-aq azyq-túlik taýarlary men janar-jaǵarmaı usyndy.
Teńizshevroıl Qazaqstannyń ıgiligi úshin óndiristi qaýipsiz jáne senimdi túrde júrgizýdi jalǵastyra otyryp, qoǵammen birge bolýǵa umtylady.