Kúndiz burshaq túsýi yqtımal
Soltústik Qazaqstan oblysynyń basym bóliginde jáne Petropavlda jańbyr jaýady. Oblystyń soltústiginde, batysynda, ońtústiginde naızaǵaı oınap, kúndiz burshaq túsýi, daýyl turýy yqtımal, dep habarlaıdy Almaty-akshamy.kz "Qazgıdromet" RMK-ge silteme jasap.
Batys Qazaqstan oblysynyń shyǵysynda naızaǵaı oınaıdy. Oblystyń ońtústik-batysynda +35°C deıin qatty ystyq bolady.
Kúndiz Qyzylorda oblysynyń ortalyǵynda shańdy daýyl bolady dep kútiledi. Soltústik-shyǵystan soqqan jel batysqa oıysyp, kúndiz oblys ortalyǵyndaǵy ekpini 15-20 m/s quraıdy, oblystyń basym bóliginde jáne Qyzylordada tótenshe órt qaýpi saqtalady. Qyzylordada kúndiz synap baǵany +42...44°C kórsetedi.
Ulytaý oblysynyń batysy men soltústiginde ońtústik-batystan ońtústik-shyǵysqa oıysa jel soǵady, ekpini 15-20 m/s jetedi, kúndiz oblystyń basym bóliginde +35...+39°C, oblystyń ońtústiginde +40...+42°C qatty ystyq saqtalady.
Kúndiz Qaraǵandy oblysynyń batysynda soltústik-shyǵystan jel soǵyp, ońtústik-batysqa oıysady, ekpini 15-20 m/s jetedi, kúndiz oblystyń ońtústiginde +35°C qatty ystyq bolady dep kútiledi.
Atyraý oblysynyń shyǵysynda, soltústiginde jáne ortalyǵynda jáne Atyraý qalasynda naızaǵaı oınaıdy dep kútiledi. Soltústikten jel soǵady, naızaǵaı kezindegi ekpini 15-20 m/s quraıdy, kúndiz oblystyń ońtústiginde +36°S qatty ystyq saqtalady.
Aqtóbe oblysynyń soltústiginde naızaǵaı oınaıdy dep kútiledi. Soltústik-batystan soqqan jeldiń ekpini 16 m/s quraıdy, kúndiz oblystyń basym bóliginde qatty ystyq bolady: +35...+38°C.