JKO tapa-tal túste Rysqulov pen Qazıev kósheleriniń qıylysynda boldy. "Alphard" basqarǵan mas er adam baǵdarshamdy soǵyp, keıin artymen júrip, jol ústinde kele jatqan Toyota Camry kóligimen soqtyǵysqan.
Apat JBO kameralaryna túsip qalǵan. Beınebaqylaý ınspektorlary oqıǵa ornyna patrúldik avtoekıpajdy joldady. Ózin birtúrli ustaǵan júrgizýshini tártip saqshylary alkogól tutanýyn tekserý úshin medısınalyq kýálandyrýdan ótýin surady. Jaýabynda quqyq buzýshy óz áreketin “men tek qymyz ishtim” degen sózdermen aqtaýǵa tyrysty. Onyń ortasha masań kúıde bolǵany anyqtaldy.
Qala turǵyny mundaı jaǵdaıda rólge birinshi ret otyrmaǵany belgili boldy. Ol 1,5 jyl buryn QR ÁQBtK-niń 608-baby boıynsha júrgizýshi kýáliginen aıyrylǵan.
Qazir azamatqa qatysty Qylmystyq kodekstiń baby boıynsha tergeý júrgizilip jatyr. Ol ózgeniń kóligi men jol qurylysjaıyn búldirýge alyp kelgen kólik quralyn basqarý quqyǵynan aıyryla turyp, masań kúıde tizgindegeni úshin birneshe jylǵa bas bostandyǵynan aıyrylýy múmkin.