Shymkentte 11 qańtarda 21 jastaǵy qyz pyshaq jaraqatynan kóz jumdy. Bul aqparatty qalalyq polısıa rastady, - dep habarlaıdy aqshamnews.kz tilshisi.
Polısıanyń málimetinshe, kisi ólimine qatysty kúdiktiniń jeke basy anyqtalǵan.
"Bul derek boıynsha polısıa kisi óltirý faktisimen qylmystyq is qozǵady. Kúdiktiniń jeke basy anyqtaldy. Aldyn ala málimetterge sáıkes, ol marqummen buryn tanys bolǵan. Qazirgi ýaqytta ony ustaýǵa jáne qylmystyq jaýapkershilikke tartýǵa baǵyttalǵan barlyq qajetti jedel-izdestirý sharalary júrgizilip jatyr", – delingen Shymkent qalalyq polısıa departamentiniń habarlamasynda.
Qazir tergeý amaldary jalǵasyp jatyr.