Qazaqstan erler arasynda da, áıelder arasynda da álemdík reıtıngterdíń alǵashqy ondyǵynda ókíldígí bar elderdíń qataryna kíredí. Qazír mūndaı kórsetkísh tek AQSh pen Italıyada ǵana bar, - dep habarlaıdy aqshamnews.kz tílshísí.
Qazaqstannyń bírínshí raketkasy Elena Rybakına WTA reıtıngíníń top-10 qataryda jáne 2026 jyldyń basynda 5-orynda tūr. Erler qūramasynyń kóshbasshysy Aleksandr Bublık keshe Gonkongtaǵy ATP turnırínde jeńíske jetíp, mansabyndaǵy toǵyzynshy tıtulyn ıelendí. Turnır qorytyndysy boıynsha ol ATP álemdík reıtıngínde 10-orynǵa kóteríldí, osylaısha Qazaqstan erler tennısí tarıhynda alǵash ret elge top-10-ǵa endí.
Osylaısha, Qazaqstanda erler arasynda da, áıelder arasynda da álemníń eń úzdík 10 tennısshísíníń qataryna kíretín sportshy bar.
Sonymen qatar, Qazaqstannyń áıelder qūramasy Bıllı Djın Kıng kubogy reıtıngínde álemdegí úzdík 10 komandanyń qataryna kíredí.
Jetekshí sportshylardyń nátıjelerí, ūlttyq qūramalardyń tūraqty óner kórsetuí jáne tennıs ınfraqūrylymynyń damuy Qazaqstannyń halyqaralyq tennıstegí pozıtsıyasyn nyǵaıtuǵa yqpal etíp keledí.