Injenerlik jelilerdi modernızasıalaý bizdiń jumysymyzdaǵy negizgi basymdyqtardyń biri bolyp qala beredi. Bul týraly qala ákimi Erbolat Dosaev aýdan turǵyndarymen kezdesýde málimdedi, dep habarlaıdy almaty-akshamy.kz
Osy jyldyń tamyz aıynda «Shýaqty» shaǵyn aýdanynda 400 úıdi qamtıtyn 10 shaqyrym sýmen qamtý jáne 7,4 shaqyrym sý burý jelileriniń qurylysy aıaqtaldy. Kelesi aptadan bastap turǵyndar magıstraldy jelige qosyla bastaıdy.
Tbılısskaıa kóshesindegi 20 myń abonentke qyzmet kórsetetin 400 metrden astam kanalızasıalyq estakada rekonstrýksıalaýdan ótti. Ol bolashaqta halyq sanynyń ósýin eskere otyryp jasalǵan.
Jyl sońyna deıin «Maıak», «Álmerek», «Jas Qanat», «Nıjnáá Pátıletka» shaǵyn aýdandarynda jáne Zakarpatskaıa kóshesinde 6670 abonent úshin 153,4 shaqyrym sý qubyry men 79,4 shaqyrym kanalızasıa qurylysy aıaqtalady. Sonymen qatar, asfálttyń tómengi qabatyn qalpyna keltirilýde, 2024 jyldyń 2-shi toqsanynda betki qabaty tóseletin bolady.
2024 jyldyń II-shi toqsanynda «Qaırat» shaǵyn aýdanynda 40 shaqyrym sý qubyry jáne sý burý jelilerin salý jumystarynyń 2-shi kezegi bastalady.
2 ýchaske boıynsha: aýdannyń ortalyq bóliginde jáne Áýejaı kóli aýdanynda sýmen qamtý jáne kanalızasıa jelilerin jobalaý jalǵasýda. Qurylys-montajdaý jumystarynyń boljamdy bastalý ýaqyty 2024 jyldyń II-shi toqsany dep boljanyp otyr.