Ol óziniń aıypty emes ekenin jetkizdi.
Sot saǵat 15:00 ge aýystyryldy. Sol kezde úkim shyǵady dep kútilip otyr, dep habarlaıdy Almaty-akshamy.kz QazAqparatqa silteme jasap.
«Men kináli emespin. Halqyma oq atpadym. Azaptaý bolmady. Taǵylǵan aıyptar sotta dálelin tappady»,- dedi Serik Kúdebaev sottaǵy sońǵy sózinde.
Búgin saǵat 11:00-de ótýi tıis sot otyrysy birneshe saǵatqa keshigip bastaldy. Serik Kúdebaevty sot zalyna arnaıy kúzetpen jetkizdi.
Túski saǵat 13:25-te sot otyrysy bastaldy.
Proses bastalmas buryn Serik Kúdebaevtyń uly Arman Myrzaqulov ákesin «elge óz erkimen keldi» degen málimdeme jasaǵan bolatyn.
Aıta keteıik, Serik Kúdebaevqa bılik pen laýazymdyq ókilettigin asyra paıdalandy jáne azaptaýǵa qatysy bar degen aıyp taǵylǵan.
Sottyń tártibin buzyp, shekarany zańsyz ótip, elden qashyp ketkeni úshin Serik Kúdebaevtyń qansha jyl jaza arqalaıtynyn sot sheshedi.
Eske sala keteıik, 3 sáýirde Serik Kúdebaevqa halyqaralyq izdeý jarıalaǵan bolatyn.
Alaıda, kúdiktiniń el aýmaǵynan tysqary boı tasalaǵanyn shekara qyzmeti naýryzdyń 27-i kúni biraq bilgen.
Bas prokýratýra Serik Kúdebaevtyń qashyp ketý faktisine oraı qylmystyq is qozǵady.
Aıta keteıik, Taldyqorǵandaǵy Jetisý oblystyq sotynda Serik Kúdebaevqa qatysty sot otyrysy 5 qańtarda bastalǵan.
Ol 2020 jyldan bastap 2022 jyldyń qańtaryna deıin Almaty oblysy polısıa departamentiniń bastyǵy qyzmetin atqarǵan. Sol laýazymyn atqarý kezinde qańtar oqıǵasy boıynsha kúdikti dep tanylǵan.
Sot talqylaýy barysynda prokýror sýdıadan Serik Kúdebaevqa 9 jylǵa bas bostandyǵynan aıyrý jazasyn taǵaıyndaýdy surady.