TMD mısıasynyń 170-ten astam baıqaýshysy Qazaqstandaǵy 1000-nan astam saılaý ýchaskelerinde boldy.
Bul týraly Almatyda reseılik baqylaýshylar aıtty, olar elimizde ótken prezıdent saılaýy zańdylyq qosty dep esepteıdi, - dep habarlaıdy almaty-akshamy.kz
Parlamenttik Assambleıanyń Jastar saıasaty, sport jáne týrızm jónindegi Komısıasynyń Tóraǵasy, Reseı Federaldyq Jınalysy Memlekettik Dýmasynyń Eýrazıalyq ıntegrasıa jáne otandastarmen qarym-qatynas, TMD isteri jónindegi Komıteti tóraǵasynyń orynbasary Týrov Artem Qazaqstan Respýblıkasy Prezıdenti saılaýy ashyq, demokratıalyq túrde ótkeni kóńilinen shyqqanyn aıtty.
Keshe halyqaralyq baıqaýshylar Almatydaǵy 17 saılaý ýchaskesinde boldy, olar sondaı-aq ýchaskelik komısıalardyń júıeli jumysyn, ashyqtyqty, habardarlyqty atap ótti. Olardyń pikirinshe, daýys berýshiler men jergilikti baqylaýshylardyń sany kóp bolǵan.
«Saılanǵan Prezıdentti saılaýdyń sátti aıaqtalýymen quttyqtaımyn. Saılaý ashyq, zańdy, ulttyq zańnama negizinde ótkenin aıta ketken jón. Almaty qalasy aýmaǵynda jumys isteý múmkindigi úshin rahmet, biz barlyq deńgeıdegi komısıalardan barynsha qoldaý aldyq. Biz barǵan ýchaskelerdiń eshqaısysynan birde-bir shaǵym túsken joq. Olardyń basqa áriptesterimizge júgingenin bilemin, biraq olar qarapaıym zattardy qozǵady», - dedi A.Týrov.
Eýrazıalyq yntymaqtastyq jáne ıntegrasıa qorynyń bas dırektory Nıkolaı Jýravlev zańdyq quramdas bólikke ǵana emes, saılaý ýchaskelerinde qalyptasqan atmosferaǵa da nazar aýdardy.
«Eshqandaı shıelenis bolǵan joq, adamdar jaıbaraqat, jaqsy kóńil-kúımen keldi, sondyqtan kelgen adamdarǵa qysym bolǵan joq degen qorytyndyǵa keldik. Al saılaý jeńimpazynyń bul senimdi nátıjesi turaqtylyqty tańdaǵan qoǵamda qandaı da bir jikke bóliný týraly aıtýdyń qajeti joq ekenin aıǵaqtaıdy», - dedi N.Jýravlev.