Sıeziń negizgi mısıasy - bitimgershilik qaǵıdatyn ornyqtyrý.
Parlament Senatynyń Tóraǵasy, Sıez Hatshylyǵynyń basshysy Máýlen Áshimbaev jýrnalıserge bergen suhbatynda Álemdik jáne dástúrli dinder lıderleriniń VII sezin ótkizýdiń mańyzy jaıly aıtty, dep habarlaıdy Almaty-akshamy.kz Egemen.kz silteme jasap.
Máýlen Áshimbaevtiń aıtýynsha, búkil álemde oryn alyp otyrǵan geosaıası shıelenis jaǵdaıynda kelissózder ústelinde bas qosýdyń máni aıtarlyqtaı artyp otyr. Osy oraıda, ol memleketter arasyndaǵy saıası yntymaqtastyqtyń deńgeıi tómendep ketkenin eskerip, álem bul sezge ortaq mámilege kelýge jol ashatyn qadam retinde úlken úmitpen qarap otyrǵanyn jetkizdi.
«Keıbir máseleler saıası turǵydan sheshimin tappaı jatsa, qarama-qaıshylyqtar kúrdelene túskende, dinı uıymdar basshylarynyń arasynda osyndaı dıalogtyń mańyzy arta túsetinin baıqap otyrmyz. Aldaǵy sıeze 100-den astam BAQ habar taratady. Sondyqtan bul forým álemde yntymaqtastyqty damytýǵa, qaqtyǵystardy azaıtýǵa, shıelenisterdi joıýǵa yqpal etedi dep senemiz», - dedi Senat spıkeri.
Aıta ketsek, VII sezge 100-den astam rýhanı, dinı kóshbasshylar jáne halyqaralyq uıymdardyń basshylary qatysady dep kútilýde. Olardyń qatarynda ál-Azhardyń Bas ımamy sheıh Ahmed at-Taıeb, ıýdaızm, býddızm, daosızm, sıntoızm jáne basqa da dinderdiń lıderleri men ókilderi bar. VII sıeziń negizgi erekshelikteriniń biri - Rım Papasy Fransısktiń qatysýy.
«Rım Papasynyń Qazaqstanǵa sapary rýhanı jáne saıası mańyzy zor oqıǵa. Ol únemi soǵys, kedeıshilik, genderlik teńsizdik sıaqty álemdegi eń ózekti máselelerdi kóterip júredi. Rım Papasynyń álemdegi abyroı-bedeli de óte joǵary ekenin bilemiz. Sondyqtan onyń sózine búkil álem qulaq túredi. Sol sebepti Rım Papasynyń Qazaqstanǵa kelýi elimizge ınvestısıa tartýǵa, týrızmdi damytýǵa jáne memleketimizdiń halyqaralyq arenadaǵy mártebesin kóterýge oń áserin tıgizedi», - dedi Máýlen Áshimbaev suhbat barysynda.
Sondaı-aq Senat Tóraǵasy sıezi qarjylandyrý máselesine toqtala ketti. Ol barlyq shyǵyn álemniń basqa elderindegideı Qazaqstannyń halyqaralyq is-sharalarǵa jumsaıtyn ókildik shyǵystary sheginde ekenin aıtty.
«Bul jerde aǵylyp-tógilip jatqan qarjy joq. Birinshiden, jyl saıyn respýblıkalyq búdjetten eldiń syrtqy saıası baǵytyn iske asyrýǵa baǵyttalǵan belgili bir qarajat bólinedi. Barlyq is-sharalar osy qarjylandyrý aıasynda júzege asyrylady. Ekinshiden, qonaqtardyń bir bóligi óz esebinen keledi. Úshinshiden, demeýshilik kómek te qarastyrylǵan. Sonymen qatar dinı lıderler ysyrapshyldyqty qoldamaıtyn jáne ony qabyldamaıtyn óte qarapaıym adamdar ekenin aıta ketý kerek. Sol sebepti, biz aıtarlyqtaı qarajat jumsap, artyq shyǵynǵa ushyrap jatyrmyz deýge esh negiz joq», - dedi Máýlen Áshimbaev.
Senat Tóraǵasynyń aıtýynsha, sıeziń negizgi mısıasy - bitimgershilik qaǵıdatyn ornyqtyrý.