Eldiń bar nazary qazir sırkke aýǵan. Elimizge belgili akrobattar óner kórsetip jatyr. Balalar da, ata-analar da tań-tamasha. Ónerpazdar túrli trúkter jasap jatyr. Bul týraly Almaty-akshamy.kz Almaty.tv-ke silteme jasap habarlaıdy.
«Qala kúni keremet ótip jatyr. Ásirese, balalarǵa unady», – dedi qala turǵyny.
Festıvál retro stılde ótip jatqandyqtan jol boıyna ár onjyldyqta bolǵan eleýli oqıǵalardy eske salatyn pavılondar qoıylǵan. Sondaı-aq 80 jyldardaǵy ánder shyrqalyp jatyr. Áıligi kompozıtorlardyń ánin jurt sondaı bir keremet nostalgıamen shyrqap jatyr.
«Almatylyqtardy merekemen quttyqtaımyz. Merekege oraı reto ánderdi aıtyp jatyrmyz», – dedi Erkebulan Qalambaı «Jańa ǵasyr teatrynyń akteri.
Júregi Almaty dep soqqan kimniń bolsyn qala tarıhynan habary bolmaýy múmkin emes. Shahardyń ózine tán atmosferasy, qalyptasý joly bar. Qyzyq ańyzdary da jeterlik. Sondyqtan da festıváldiń negizi qala tarıhyna órilgen. 1940-jyldardan bastap búginge deıin bolǵan jarqyn oqıǵalar, keıipkerler ádemi kórme, qoıylymdar arqyly beriledi.
Eske salaıyn, Panfılov kóshesinde Almaty tarıhyna arnalǵan retro festıvál ótip jatyr. İs-shara keshke deıin jalǵasady.