Respýblıka kúnine arnalǵan aksıa aıasynda «Medeý» bıik taýly kesheniniń alańynda bıiktigi 40 metr memlekettik tý kóterilip, ánuran oryndaldy, dep habarlaıdy Almaty-akshamy.kz
Saltanatty shara asqaq Alataýdyń baýyrynda, «Medeý» alańynda ótti. Bul elimizdegi eń bıik tý baǵanalarynyń biri. Rásimge qala ákimi Erbolat Dosaev myrza bastaǵan ákimdik ókilderi, Máslıhat depýtattary, memleket jáne qoǵam qaıratkerleri, mádenıet salasynyń ókilderi jáne qala jastary qatysty.
Respýblıka kúnine arnalǵan is-shara «Medeýde» qazaqstandyq estrada ártisteriniń qatysýymen ótken konsertpen jalǵasty. Sahnada Muqasan Shahzadaev, Maqsat Bazarbaev, İnjý Ánýarbek, Abaı Begeı, Asqat Tarǵyn jáne Indıra Elemes óner kórsetti.
Sonymen qatar, Respýblıka kúni Almatyda birqatar basqa da is-shara uıymdastyryldy:
- Jibek joly dańǵylynda, Panfılov pen Báıseıitova kósheleriniń arasynda saǵat 10:00-den 18:00-ge deıin qolónershiler jármeńkesi ótedi. Jármeńkede Qazaqstan, Ózbekstan jáne Qyrǵyzstan sheberleriniń qoldan jasalǵan buıymdary usynylady.
-10:00-den 18:00-ge deıin Abaı dańǵyly, 159 mekenjaıyndaǵy sport-jattyǵý kesheninde shaǵyn fýtbol, voleıbol jáne dzúdodan, sonymen birge ál-Farabı atyndaǵy QazUÝ-da ústel tenısi jáne qazaq kúresinen sport festıvali ótedi.
- Saǵat 14:00-de «Kók-tóbe» saıabaǵynda «Almaty áýenderi» shyǵarmashylyq ujymdarynyń qatysýymen «Jasaı ber máńgi – Qazaqstan» atty merekelik konsert ótedi.
- Balýan Sholaq atyndaǵy sport saraıynda 15:00-den 18:00-ge deıin qazaqstandyq estrada juldyzdary qatysatyn qazaq kúresinen «Óner barysy» týrnıri ótedi.
-Saǵat 16:00-de Qazaq memlekettik sırkinde Respýblıka kúnine jáne ataqty kloýn jáne sıqyrshy Kárim Mutyrǵanovtyń 70 jyldyǵyna arnalǵan benefıs uıymdastyrylady. Akrobattar, áýe gımnasttary, jonglerler, ekvılıbrıser, ıllúzıonıster men saıqymazaqtar shoý-baǵdarlama kórsetedi.