Joldarda qar tazalaý jumystary júrgizilip jatyr.
Bul jumystarǵa 500 tehnıka jumyldyryldy, dep habarlaıdy Almaty-akshamy.kz Qazavtojol-ǵa silteme jasap.
Aýa raıy nasharlaǵan sátten bastap (3 qańtardan) 2200 tekshe metr kóktaıǵaqqa qarsy materıaldar jumsaldy.
«Saǵat 8:45-tegi aqparatqa sáıkes, aýa raıynyń qolaısyzdyǵyna baılanysty respýblıkalyq avtojoldardyń 32 ýchaskesi jabyq kúıinde qalyp otyr», - delingen habarlamada.
Aqmola, Jetisý, Shyǵys Qazaqstan, Abaı, Qaraǵandy, Qostanaı jáne Pavlodar oblystaryndaǵy trassalar jabylǵan.
Aýa raıynyń qolaısyzdyǵyna baılanysty Qaraǵandy, SHQO jáne Abaı oblystarynyń respýblıkalyq mańyzy bar avtomobıl joldarynda asa kúrdeli jaǵdaı qalyptasty.
Ótken táýlikte bul óńirlerde qar qursaýynan 200-ge jýyq kólik shyǵarylyp, 346 adam qutqaryldy.