Taǵy 187 adamnyń jaza merzimi qysqartyldy
Qyzylorda oblysynda sotty bolǵan 366 adamǵa raqymshylyq zańy qoldanyldy, dep habarlaıdy Almaty-akshamy.kz Qyzylorda oblystyq prokýratýrasyna silteme jasap.
Bul sheshim 2021 jyldyń 7 jeltoqsanynda Memleket basshysy qol qoıǵan «Qazaqstan Respýblıkasy Táýelsizdiginiń otyz jyldyǵyna baılanysty raqymshylyq jasaý týraly» zańyna sáıkes qabyldandy.
«Atalǵan zańǵa sáıkes, sottalǵandardyń jeke isteri zerdelendi. Nátıjesinde sotty bolǵan 366 adamǵa qatysty raqymshylyq qoldanyldy. Olardyń arasynda túzeý mekemelerinde jazasyn ótep jatqan 81 adamnyń 46-y negizgi jazadan bosatylyp bostandyqqa shyqsa, 35 sottalǵannyń jaza merzimderi qysqartyldy», - delingen habarlamada.
Vedomstvonyń málimetinshe, oǵan qosa probasıa qyzmetiniń esebinde turǵan 285 adamnyń 98-i negizgi jazadan bosatylyp, esepten alyndy. Al 187-niń jaza merzimi qysqartyldy.
Eske salsaq, budan buryn Qyzylordada 14 adamdy san soqtyrǵan alaıaqqa sot úkimi shyqty.