Olar atajurtqa kelgenine qýanyshty.
22 sáýir kúni Qazaqstanǵa Qytaıdyń Shynjań ólkesindegi 20 qazaq otbasy kóship keldi, dep habarlady Almaty-akshamy.kz Naizager.kz silteme jasap.
Olardy Almaty áýejaıynan «Otandas el» qoǵamdyq birlestiginiń jetekshisi Muqan Mamythan bastaǵan azamattar qarsy aldy.
«2017-2018 jyldary Qytaıda turatyn 100 úıge kóshi-qon shaqyrtýyn jibergenbiz. Sonyń alǵashqy legi keldi. Jyldyń aıaǵyna deıin shaqyrtý alǵandar túgel kelýi tıis», - dedi Muqan Mamythan.
Atamekenine oralǵandardyń arasynda paıǵambar jasyna kelgen Oraltaı Nurdynaı Qulja qalasynan kelipti.
«Otbasymyzda 7 adam bar. Qytaı bıligi qazir tek otbasymen tolyq kóshetinderge ǵana ruqsat berip otyr. Quljadan Úrimji – Sheng Dý arqyly 4 kún júrip keldik. Atajurtqa kelgenimizge qýanyshtymyz», - dedi ol.