Bıyl qyrkúıek-jeltoqsan aılary aralyǵynda Almatyda úı janýarlaryn tegin zararsyzdandyrý jáne pishtirý boıynsha memlekettik baǵdarlama iske asyrylady, dep habarlaıdy Almaty-akshamy.kz.
«Almaty qalasynda qańǵybas janýarlardyń sanyn izgilikti túrde retteýdiń 2021-2024 jyldarǵa arnalǵan baǵdarlamasy» aıasynda bıyl shamamen 9 000 ıt pen mysyqty qamtý josparǵa engen.
Ótinim 1 qyrkúıekten bastap qabyldanady. Almaty qalasynyń myna veterınarıalyq emhanalarda qyzmet tegin:
1)«Prima Vet Masters» veterınarıalyq emhanasy mekenjaıy: Esenberlın kóshesi 217, tel: 8 (700) 327-44-89
2)«Allvet» veterınarıalyq emhanasy mekenjaıy: Tóle bı kóshesi 279 B, tel: 8 (747) 438-38-87
3)«Sentr Veterınarnoı Medısıny» veterınarıalyq emhanasy mekenjaıy: Jamaqaev kóshesi 32, Mamyr-4, 111 shaǵyn aýdany tel: 8 (727) 313-13-21, 313-13-28.
Úı janýarlaryn zararsyzdandyrý jáne pishtirý memlekettik baǵdarlamasyna qatysty ózge veterınarlyq emhanalar týraly qosymsha aqparat kelisimsharttyń jasalǵanyna qaraı habarlanady.