Elimizde qus etin muzdatqanda sý qosýǵa qatań tyıym salyndy.
Jańa ereje qoldanysqa endi. Bul týraly Tehnıkalyq retteý jáne metrologıa komıtetiniń tóraǵasy Qýanysh Elikbaev málimdedi, dep habarlaıdy Almaty-akshamy.kz 24.kz-ke silteme jasap.
Muzdatylǵan etti eritý kezinde odan bólinetin sýdyń belgili normasy bar. Ol 4%-dan aspaýy kerek. Sonymen qatar óńdelgen qus etine fosfat pen taǵam dámin kúsheıtkish aǵzaǵa zıandy zattardy qosýǵa qatań tyıym salynǵan. Erejege baǵynbaǵandarǵa 600 myń teńgege deıin aıyppul salynýy múmkin. Bul bizdiń ǵana emes, Armenıa, Belarýs, Qyrǵyzstan jáne Reseı elderi qoldanatyn biryńǵaı standart, - deıdi komıtet tóraǵasy.
«Tutynýshylar dúkennen muz qatqan qus etin satyp alyp, ony eritedi. Keıde ettiń jartysy sýmen toltyrylǵany belgili bolyp jatady. Budan bylaı kásipkerlerge qatań tyıym salynatyn bolady. Tipti merzimi ótken qus etine tamaq dámin kúsheıtetin konservanttardy qosatyndar da bar. Biraq, jańa erejege sáıkes, endi mundaı jaǵdaı oryn almaýy tıis. Áıtpese, aıyppul salynatyn bolady», - deıdi QR SIM Tehnıkalyq retteý jáne metrologıa komıtetiniń tóraǵasy Qýanysh Elikbaev.