Parlament palatalarynyń birlesken otyrysynda Prezıdent Qasym-Jomart Toqaev eldiń qorǵanysy áleýetin arttyrýdyń joldaryn atady, dep habarlaıdy Almaty-akshamy.kz.
«Taǵy bir mańyzdy másele – qorǵanys-ónerkásip keshenin jan-jaqty nyǵaıtý. Bul másele damyǵan memleketterde ulttyq qaýipsizdikti qamtamasyz etýde sheshýshi ról atqarady. Eń mańyzdy mindet – ımportqa táýeldilikti tómendetýge múmkindik beretin, ózimizde shoǵyrlaný úlesi joǵary óndiris sıklin qurý», - dedi Qasym-Jomart Toqaev.
Memleket basshysy eldiń armıasyn joǵary tehnologıalyq qarý-jaraqpen jáne áskerı tehnıkamen, onyń ishinde berendi tehnıkamen, ushqyshsyz ushý apparattarymen, zamanaýı atys qarýymen qamtamasyz etý kerektigin atap ótti.
«Tehnıkany jedel jóndeý boıynsha óndiristik qýattardy nyǵaıtyp, otandyq kásiporyndardy qoldaýdy kúsheıtý qajet. Bizde tıisti materıaldyq-tehnıkalyq baza, quzyretter men kadrlar bar. Olarǵa tıisti vedomstvolardyń tapsyrystary qajet. Qazirgi zamanǵy tehnologıalar transferi jáne jańa óndiristerdi oqshaýlaý baǵytyndaǵy jumysty jalǵastyrý qajet. Qorǵanys-ónerkásip keshenin damytýdyń arnaıy qory otandyq kásiporyndardy tikeleı qarjylyq qoldaý tetigi bolady», - dedi Prezıdent.