Elimizde ulttyq fortepıano mektebin damytý maqsatynda Mádenıet jáne sport mınıstrligi respýblıkalyq Astana Piano Passion jas pıanıser konkýrsyn ótkizedi, dep habarlaıdy Almaty-akshamy.kz Inbusiness.kz-ke silteme jasap.
Baıqaýǵa 7 men 17 jas aralyǵyndaǵy jas pıanıser qatysa alady. Konkýrsqa ótinishterdi qabyldaý 2022 jylǵy 19 qyrkúıekten 25 qazanǵa deıingi aralyqta júzege asyrylady. Ótinishti konkursmuz@mail.ru elektrondy poshtasyna jiberýge bolady.
İrikteý kezeńi barlyq óńirde 27 qazan men 9 qarasha aralyǵynda ótedi.
Jartylaı fınal – irikteý kezeńinen ótken qatysýshylarǵa jáne súıemeldeýshi tulǵalardyń (bir adamnan aspaıtyn) Astana qalasyna baryp kelý shyǵyndaryn qamtamasyz ete otyryp, 2022 jylǵy 15-17 qarasha aralyǵynda Astana qalasynda ótkiziledi.
20-21 qarashada Astana qalasynda fınal ótedi.
Al, gala-konsert jáne jeńimpazdar men dıplomanttardy marapattaý rásimi 23 qarashada ótedi.