Rýslan Ysqaqov Qazaqstannyń Damý bankin basqarady
«Báıterek» holdıńiniń basqarma tóraǵasy Qanat Sharlapaev ujymǵa QDB-nyń jańa basshysyn tanystyrdy, dep habarlaıdy Almaty-akshamy.kz
«Báıterek» ulttyq basqarýshy holdıńi» AQ aksıoneriniń sheshimi boıynsha Rýslan Vıktorovıch Ysqaqov 16 aqpannan bastap «Qazaqstannyń Damý banki» AQ (QDB) basqarma tóraǵasy jáne dırektorlar keńesiniń múshesi bolyp saılandy. Ol buǵan deıin holdıńtiń enshiles uıymy – «KazakhExport» eksporttyq saqtandyrý kompanıasy» AQ-ny basqardy», delingen habarlamada.
«Rýslan Vıktorovıchtiń qarjy uıymdarynda 18 jyldan asa jumys tájirıbesi bar, alty jyl boıy KazakhExport-ty basqardy jáne búginnen bastap Qazaqstannyń Damý bankiniń basshysy bolyp taǵaıyndaldy. İs-árekettegi merıtokratıa qaǵıdaty týraly aıtqym kelip otyr: bank naryǵynda jáne bizdiń holdıńte tabysty jumys istegen adam endi eń joǵary pozısıalardyń birine jetti. Ony qoldap, birge tabysty jumys isteısizder dep senemin», - dedi Q.Sharlapaev QDB ujymyna arnaǵan sózinde.