Qazaqstannyń birinshi, álemniń 20-raketkasy Elena Rybakına Indıan-Ýells WTA 1000 týrnıriniń tórtinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi úshinshi aınalymda kezinde dúnıejúzilik reıtıńte kósh bastaǵan, qazir álemniń 15-raketkasy, Aýstralıa ashyq chempıonatynyń eki dúrkin chempıony, osy jarystyń ótken jylǵy fınalısi, Belarýs ókili Vıktorıa Azarenkomen sheberlik synasty.
Qarsylastar buǵan deıin kezdespegen edi. E.Rybakına saǵat jarymnan astam ýaqytqa sozylǵan machta 6:3, 6:4 esebimen jeńiske jetti. Ekinshi sette V.Azarenko medısınalyq kómekke de júgindi.
Qazaqstandyq tenısshi 5 eıs jasap, 8 breık-poınttyń ekeýin paıdalandy. Belarýs sportshysy 3 eıspen shekteldi.
E.Rybakına júlde qory 8,4 mln AQSH dollaryna baǵalanǵan dodanyń shırek fınalyna shyǵý úshin álemniń 51-raketkasy, shveısarıalyq Vıktorıa Golýbıchpen talasady. Ol osy jarystyń ekinshi aınalymynda taǵy bir qazaqstandyq Iýlıa Pýtınsevany utyp ketken edi.