Keı óńirlerde qatty jańbyr jaýyp, jel kúsheıedi.
Sınoptık mamandar aldaǵy kúnderi aýa raıy qandaı bolatynyn boljady, dep habarlaıdy Almaty-akshamy.kz.
«Elimizdiń soltústik jartysynda aýa temperatýrasynyń tómendeýine alyp kelgen sýyq soltústik-batys antısıklony, shyǵys baǵytqa aýysyp, Qaraǵandy jáne Shyǵys Qazaqstan oblystarynyń soltústik óńirlerinde topyraq betinde túngi úsik júrýi múmkin. Elimizdiń batys óńirlerin, sondaı-aq atmosferalyq fronttardyń yqpalymen 02-03 qyrkúıekte qatty jańbyr jaýyp, jel kúsheıedi dep kútiletin eldiń ońtústik-shyǵysyndaǵy taýly aýdandardy qospaǵanda, antısıklonnyń yqpalymen respýblıkanyń basym bóliginde jaýyn-shashynsyz aýa raıy saqtalady», – delingen «Qazgıdromet» RMK habarlamasynda.
Mamandardyń boljamy boıynsha, Qazaqstannyń basym bóliginde aýa temperatýrasynyń kúndiz 25-30-ǵa deıin, respýblıkanyń ońtústik jartysynda 37 gradýsqa deıin birtindep kóterilýi kútiledi. Tek elimizdiń batysynda 17-25 jylýǵa deıin tómendeıdi dep kútilýde.