11 kólik Polsha shekarasyna qaraı baǵyt aldy.
Qazaqstannyń Ýkraınada qalyp qoıǵan júk kólikteri shyǵarylyp jatyr, dep habarlaıdy Almaty-akshamy.kz.
«2022 jylǵy 5 naýryzdaǵy jedel derekterge sáıkes, Ýkraına aýmaǵynda qalyp qoıǵan 57 avtokóliktiń 30-y shyǵaryldy. 27 júrgizýshi áli de Ýkraına aýmaǵynda qalyp otyr. Onyń ishinde 11 júrgizýshi qazirgi ýaqytta Ýkraına men Polsha shekarasyndaǵy Rava-rýsskaıa (Ýkraına) – Grebene (Polsha) ótkizý beketine qaraı jiberildi. Ári qaraı olar Belarýs jáne Reseı aýmaqtary arqyly elge bet túzeıdi», - delingen QR IIDM baspasóz qyzmetiniń habarlamasynda.