Júk quramyna 2 mln doza kirdi
29 qańtarda QR-nyń QHR-daǵy elshiliginiń qoldaýymen Beıjińnen Almatyǵa Sinopharm (VeroCell) korporasıasy shyǵarǵan COVID-19-ǵa qarsy vaksınanyń kezekti partıasy kelip jetti, dep habarlaıdy Almaty-akshamy.kz Zakon.kz-ke silteme jasap.
Júk quramyna 2 mln doza kirdi. Jetkizilgen dozalar QR halqyn jappaı vaksınasıalaýdy aıaqtaýǵa múmkindik beredi.
"Kelgen vaksına stıkerleý rásimi aıaqtalǵannan keıin, QR DSM SEBK-niń úılestirýine sáıkes jedel tártippen el óńirlerine jiberiledi. Aldaǵy kúnderi Qazaqstan Respýblıkasynyń azamattaryna koronavırýstyq ınfeksıaǵa qarsy vaksınasıalaý úshin qoljetimdi bolady",-, delingen habarlamada.
Kovıdke qarsy preparat Beıjiń bıologıalyq ónimder ınstıtýty ázirlegen jáne DDU osy jyldyń kókteminde maquldaǵan, ol álemniń 45 elinde tanylǵan. Vaksına belsendi emes, eki dozaly. Saqtaý merzimi- 24 aı.
Biryńǵaı dıstrıbútor ımmýnobıologıalyq preparattardyń logıstıkasyn barlyq GMP jáne GDP standarttaryn, sondaı-aq "sýyq tizbekti" saqtaı otyryp júzege asyrady.
Sinopharm vaksınasynyń ereksheligi - ony jetkizý prosesi muzdatqyshty qajet etpeıdi, +2 +8 gradýs temperatýrada saqtalady jáne tasymaldanady. Esterińizge sala keteıik, Qazaqstan Sinopharm kompanıasynyń Beıjiń bıologıalyq ónim ınstıtýty preparatynyń 4 mln. dozasyn, sondaı-aq sáýir aıynyń sońynda BAÁ-de Hayat-Vax saýda ataýymen shyǵarylǵan mıllıon dozany alǵan bolatyn.