Qasym-Jomart Toqaev pen Nursultan Nazarbaev qandaı da bir kelisimge keldi me?
Almatyǵa shabýyldaǵan bandıttik toptyń ishinde esirtki shegip alǵandar bolǵan. Sóıtip, olar jaralanǵan kezde qatty aýyrsynbaǵan. Muny Memleket basshysy «Habar 24» telearnasyna bergen suhbatynda aıtty, dep habarlaıdy Almaty-akshamy.kz.
Qasym-Jomart Toqaev suhbat barysynda «shabýyldaǵandar arasynda aqparattyq tehnologıalardy jetik meńgergender bolǵan» dedi. Tipti bandıtterdiń keıbiri bes juldyzdy qonaqúıde turǵan.
«Qyzyqty derek. Bandıttik toptyń biri Almatyda bes juldyzdy qonaq úıde turǵan. Olarǵa sonsha aqshany kim tóledi. Kim qarjylandyrdy? Sóıtip, álgi top «Qazaqstan» qonaq úıiniń birinshi qabatyna ózderiniń komandalyq shtabyn ornalastyrǵan. Qazir tergeý júrip jatyr. Bári anyqtalady»,-dedi QR Prezıdenti Qasym-Jomart Toqaev.
Al Qasym-Jomart Toqaev pen Nursultan Nazarbaev qandaı da bir kelisimge keldi me? Almaty ákimi Baqytjan Saǵyntaev qyzmetinen kete me? Prezıdent bul suraqtarǵa da jaýap berdi. Ári óziniń Memleket basshysy laýazymynda otyrý merzimine qatysty da pikir bildirdi.
Suhbatty búgin saǵat 20:00-de «Habar 24» jáne «Habar» arnalarynan kóre alasyzdar.