Budan buryn memleket basshysy Qasym-Jomart Toqaevtyń Premer-Mınıstr Asqar Mamındi qabyldaǵanyn habarlaǵanbyz.
Prezıdentke sanaq nátıjesin baıandaǵan Asqar Mamınniń málimeti boıynsha, Qazaqstan halqynyń ortasha jasy 31,94 jas dep kórsetilgen, dep habarlaıdy Almaty-akshamy.kz
Qazaqstandyqtardyń jalpy sany – 19 169 550 adamǵa jetken. Otandastarymyzdyń 48,71%-i – erler, 51,29%-i áıelder.
Qazaqstan halqynyń ortasha jasy 31,94 jas dep kórsetilgen. Jalpy halyqtyń 33,97%-i – 17 jasqa deıingi balalar, 19,72%-i – 14-28 jas aralyǵyndaǵy jastar. Elimizdegi qazaqtardyń úlesi – 70,18%-ke jetken.
Halyqtyń 59,05%-i, ıaǵnı 11 320 410 adam eńbekke jaramdy dep tanylǵan.
Táýelsizdik alǵan 30 jyl ishinde halyq sanaǵy úshinshi ret ótkizildi. 1 qyrkúıekte bastalǵan bıylǵy sanaqtyń ereksheligi – sharada alǵash ret sıfrlyq tehnologıalar qoldanylady.
Ulttyq statısıka búrosynyń basshysy Nurbolat Aıdapkelov onlaın saýalnamadan halyqtyń 42,5%-i ótkenin, jappaı aralap shyǵý arqyly sanaqpen 57,5% adam qamtylǵanyn málimdedi.
Onyń sózinshe, sanaqtyń qysqasha qorytyndysy 2020 jyldyń shildesinde shyǵady dep josparlanǵan. 2023 jyldyń birinshi toqsanynda sanaqtyń tolyq qorytyndysy jarıalanady.