Atalmysh shara 4-7 shilde kúnderi Ekaterınbýrg qalasynda ótedi.
Kelesi aıdyń basynda qazaqstandyq óndirýshiler INNOPROM-2022 Halyqaralyq ónerkásiptik kórmesine qatysady. Bul shara qazaqstandyq kompanıalar úshin kóptegen múmkindik beredi, dep habarlaıdy Almaty-akshamy.kz.
«2022 jylǵy 4-7 shildede Ekaterınbýrg qalasynda (RF) INNOPROM «Ónerkásiptik aýysý: syn-qaterlerden jańa múmkindikterge» 12 Halyqaralyq ónerkásiptik kórmesi ótedi»,- delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Kórmeniń negizgi baǵyttary: sıfrlyq óndiris, metal óńdeý, kóliktik mashına jasaý, metalýrgıa, energetıkaǵa arnalǵan tehnologıalar, jańa materıaldar, komponentter óndirisi, taý-ken ónerkásibi.
Kompanıalar taý-ken metalýrgıa kesheni, mashına jasaý, hımıa jáne farmasevtıka ónerkásibi, qurylys ındýstrıasy, jeńil ónerkásip, sıfrlyq ındýstrıa, jasyl energıa, aeroǵarysh jáne qorǵanys ónerkásibi úshin ónimder men sheshimderdi usynady.
INNOPROM-2022 iskerlik baǵdarlamasy aıasynda kompanıalar men óńirlerdiń konferensıalary men semınarlary josparlanǵan.
6-7 shildede INNOPROMDA quramdas bólikterdi óndirýshilerdiń forýmy ótedi. Bul shara aıasynda quramdas bólikterdi óndirýshiler Reseı Federasıasynyń eń iri ónerkásiptik kompanıalaryna óz ónimderi men tehnologıalaryn usyna alady.
INNOPROM-qazaqstandyq kompanıalar úshin ózin tanytýǵa, kelisimsharttar jasaýǵa jáne jańa seriktestik baılanystar ornatýǵa tamasha múmkindik.
Qazaqstan bıyl INNOPROM-2022 kórmesiniń resmı seriktes eli bolyp tabylady. Osyǵan baılanysty qazaqstandyqtar quramdas bólikterdi óndirýshilerdiń forýmyna tegin qatysa alady.