18 jastaǵy Danıl Ankýdınov - Qaraǵandy týmasy
Qazaqstan jasóspirimder quramasynyń shabýylshysy Danıl Ankýdınov moldavıalyq «Sherıf» fýtbol klýbymen kelisimshartqa qol qoıdy, dep habarlaıdy Almaty-akshamy.kz QazAqparatqa silteme jasap.
18 jastaǵy Danıl Ankýdınov - Qaraǵandy týmasy. Fýtboldy týǵan qalasynda oınaı bastaǵan. Sodan keıin Ispanıaǵa shaqyrtý alyp, «Marset» pen «Kasablanka» klýbtarynda oınaǵan. Sońǵy jarty jylda «Rodına» FK (Máskeý) ekinshi komandasy úshin oınady.
Fýtbolshy moldavıalyq «Sherıf» FK-na irikteýden ótip, qarsylastarynyń qaqpasyna eki ret soqqy berdi.
«Men kelisimshartqa qol qoıǵanyma óte qýanyshtymyn. Maǵan osy úlken otbasynyń múshesi bolýǵa ruqsat bergenderińiz úshin rahmet!» - dep jazdy Danıl Ankýdınov Instagram-paraqshasynda.
«Sherıf» FK 2021 jylǵy álemniń úzdik klýbtarynyń reıtıńinde «Inter» men «Barselonany» basyp ozdy jáne 28-shi orynda tur.
Ótken jyldyń kúzinde ujym Chempıondar lıgasy týrnıriniń toptyq kezeńine qatysty. Klýb madrıdtik «Realdy» jeńdi. Nátıjesinde komanda topta 3-shi oryn alyp, Eýropa Lıgasyna kirdi.