«Respýblıka» partıasy tirkeldi.
Qazaqstanda taǵy bir saıası partıa tirkeldi. Bul týraly QR Ádilet mınıstri Qanat Mýsın aıtty, dep habarlaıdy Almaty-akshamy.kz QazAqparatqa silteme jasap.
«Qazirgi tańda «Baıtaq», sodan keıin «Respýblıka» partıasy tirkeldi. Iaǵnı, resmı túrde eki partıa tirkelip otyr. Basqa partıalarmen jumys istelip jatyr. Olar birinshi satydan áli ótken joq. Sebepteri burynǵydaı. Tapsyrǵan qujattary zańǵa sáıkes kelmeıdi. Olar tolyqqandy tirkelgen, barlyq saıası partıalar sıaqty tolyqqandy quqyqtary bar partıalar sanalady», - dedi Qanat Mýsın Parlament palatalarynyń birlesken otyrysynan keıin BAQ ókilderiniń saýalyna oraı.
Onyń aıtýynsha, atalǵan eki partıanyń qujattary tekserý barysynda birneshe ret keri qaıtarylǵan.
«Olar qaıtarylǵan qujattardaǵy kemshilikterdi joıyp, tirkeýden ótip otyr», - dedi mınıstr.