Elde jańa bap kúshine engennen keıin eki aı ishinde jeti is qozǵaldy
Qazaqstanda "Májbúrlep neke qıý" týraly Qylmystyq kodekstiń jańa baby kúshine engennen beri 15 adam ustaldy, - dep habarlaıdy aqshamnews.kz.
2025 jyldyń 16 qyrkúıeginen bastap Qylmystyq kodekske 125-1-bap - 1Májbúrlep neke qıý1 engizilgen. Bul bap adamnyń erkine qarsy ony nekege turýǵa nemese birge turýǵa májbúrleý, sondaı-aq sol maqsatta adamdy urlaý áreketteri úshin jaýapkershilikti kózdeıdi.
İshki ister mınıstrliginiń málimetinshe, atalǵan bap kúshine engennen beri polısıa jeti qylmystyq is tirkegen. Mundaı quqyqbuzýshylyqtar Qaraǵandy, Mańǵystaý, Jambyl, Túrkistan oblystarynda jáne Shymkent qalasynda anyqtalǵan.
"Júrgizilgen is-sharalar barysynda 15 adam ustaldy. Ár is boıynsha sotqa deıingi tergeý amaldary júrip jatyr, barlyq mán-jaılar anyqtalýda", – dep habarlady İİM.
Polısıa azamattardy qalyńdyqty alyp qashý nemese májbúrlep nekege turǵyzý faktileri týraly dereý habarlaýǵa shaqyrdy.
Vedomstvo ókilderiniń aıtýynsha, mundaı qylmys úshin jeti jylǵa deıin bas bostandyǵynan aıyrý, al aýyrlatatyn jaǵdaılarda on jylǵa deıin jaza qarastyrylǵan.