Kókshetaýdyń eki qart turǵyny alaıaqtardyń qurbany boldy. Ekeýi bir sqemaǵa aldandy: kýrer-dropper olardan 7,7 mıllıon teńge alyp ketken, - dep habarlaıdy aqshamnews.kz Polisia.kz-ke silteme jasap.
Belgisiz bireýler zeınetkerlerge qońyraý shalyp, nemeresi jol apatyna túskenin aıtqan. "Qylmystyq jaýapkershilikten qutylý" úshin qylmyskerler qart adamdardan aqsha suraǵan.
Polısıanyń málimetinshe zeınetkerler aqsha berýge kelisken. Keıinnen olardyń úıine belgisiz qyz kelip, qolma-qol aqsha salynǵan paketti alyp ketken: bireýinen 4,1 mıllıon, ekinshisinen 3,6 mıllıon teńge. Kýrer qarajatty dropperlerdiń bank shottaryna aýdaryp, ol úshin syıaqy alǵan.
"Jedel tergeý is-sharalary barysynda kıberpolısıa qyzmetkerleri qyzdyń kim ekenin anyqtady. 20 jastaǵy qyz Telegram arqyly "jumys" tapqany belgili boldy. Qazirgi tańda onyń eki alaıaqtyq epızodqa qatysy bar ekeni dáleldendi", - dep atap ótti polısıa.
Qazir sotaldy tergeý júrgizilip jatyr.