Atalǵan ádis ashyqtyqty qamtıdy.
Qazaqstanda jumys berýshi men jumysshy arasyndaǵy eńbek kelisimsharty onlaın tirkeledi. Sonymen qatar jumysshynyń jeke isi sıfrlyq formatqa aýyspaq. Bul týraly QR Eńbek jáne halyqty áleýmettik qorǵaý vıse-mınıstri Erbol Ospanov málim etti, dep habarlaıdy Almaty-akshamy.kz QazAqparatqa silteme jasap.
«HR Eńbek» - jumys berýshi men jumysshy arasynda jasalatyn eńbek kelisimin retteýge arnalǵan qyzmet. Bul jerde eńbek kelisimshartyn onlaın formatta tirkeýge múmkindik beredi. Odan bólek, jumysshynyń sıfrlyq jeke isin engizý qaralyp jatyr. Búginde jumysshy jeke is málimetterin qaǵaz túrinde jınaıdy. Endigi ýaqytta jumysshynyń kelisimin ala otyryp, jeke is sıfrlyq formatta usynylady. Atalǵan ádis ashyqtyqty qamtı otyryp, jalǵan qujat jasaýdyń aldyn alady», - dedi Erbol Ospanov Astanada ótip jatqan adam jáne ǵalamsharǵa arnalǵan sıfrlyq sheshimder taqyrybyndaǵy konferensıada.
Sondaı-aq, vıse-mınıstrdiń aıtýynsha, búginde qazaqstandyqtardyń 60%-y elektrondy eńbek bırjasy arqyly jumys tapqan.
«Elektrondy eńbek bırjasynda biliktilikti arttyrýǵa arnalǵan kýrstar bar. Iaǵnı 109 mamandyq boıynsha 160 tegin kýrs qarastyrylǵan. Odan bólek, «Bıznes eńbek» servısi jumys isteıdi. Atalǵan qyzmet arqyly jeke kásip ashamyn degen azamattardyń memlekettik grantqa ıe bolý múmkindigi bar», - deıdi ol.
Aıta ketsek, endi memlekettik tólemder adamnyń qatysýynsyz arnaıy júıe arqyly taǵaıyndalady.
Sonymen qatar kelesi jyldan bastap elimizde Otbasynyń sıfrlyq kartasy engizilmek.