1,5 mln tonna ÁMAT jáne 6,7 mln tonna azyq-túlik bıdaıynyń qory bar.
Qazaqstan Respýblıkasy Aýyl sharýashylyǵy mınıstrligi azamattardy áleýmettik mańyzy bar azyq-túlik taýarlarymen qamtamasyz etý jumysy týraly jáne onyń turaqty túrde júrgiziletini týraly habardar etti, dep habarlaıdy Almaty-akshamy.kz.
«Respýblıka otandyq óndiris esebinen nan, un, makaron ónimderi, ósimdik maılary, kartop jáne kókónis ónimderi, et, qaraqumyq jarmasy, kúrish, sút jáne sút ónimderi jáne taǵy basqa azyq-túlik taýarlarynyń qajetti kólemimen tolyq qamtamasyz etilgen»,- delingen ASHM baspasóz qyzmetiniń habarlamasynda.
Azyq-túliktiń ekonomıkalyq qoljetimdiligin qamtamasyz etý úshin óńirlerdiń turaqtandyrý qorlarynda azyq-túlik taýarlarynyń qajetti qorlary qalyptastyryldy.
Respýblıkanyń azyq-túlik qaýipsizdigi, sondaı-aq aýyl sharýashylyǵy qurylymdarynyń úzdiksiz jumysy máseleleri turaqty baqylaýda.
Atap aıtqanda, jedel derekter boıynsha respýblıka boıynsha aǵymdaǵy jyldyń 4 naýryzyna 1,5 mln tonna ÁMAT jáne 6,7 mln tonna azyq-túlik bıdaıynyń qory bar.
Azyq-túlik ónimderin óndirý toqtatylmaıdy, qorlar júıeli negizde tolyqtyrylyp otyrady. Jarma, un, konserviler jáne basqa da taýarlar óndirisi úshin jetkilikti shıkizat, sondaı-aq et jáne sút ónimderin óndirý úshin jetkilikti mal basy bar.