Qazir un men astyqty ishki naryqqa satqysy kelmeıtinder kóp.
Qazaqstan Úkimeti astyq pen un eksportyna shekteý engizý máselesin qarap jatyr, dep habarlaıdy Almaty-akshamy.kz Almaty.tv silteme jasap.
Bul týraly aýyl sharýashylyǵy mınıstri málimdedi. Erbol Qarashókeevtiń aıtýynsha, qazir un men astyqty ishki naryqqa satqysy kelmeıtinder qatary kóp. Sebebi shetelderge eksporttaý arqyly joǵary baǵaǵa ótkizgisi keledi. Sondaı-aq, mınıstr bizdiń astyq balansymyz jaqsy. İshki naryqta tutynýǵa da jáne eksporttaýǵa da jetetinin aıtty.
«Eksporttaýshylar ishki naryqqa satqysy kelmeıdi. Baǵanyń kóterilýin kútip otyr. Munda un óndirýshiler men astyq óndirýshiler arasynda kelisim bolmaı tur. Eksportqa tıisti shekteý engiziledi. Sonda eksporttaýshylar ónimniń belgili bir bóligin ishki naryqqa jiberýge májbúr bolady», – dedi QR Aýyl sharýashylyǵy mınıstri Erbol Qarashókeev.