Pasporttardyń ártúrli sanattary boıynsha 9 jańa elmen ózara kelisimder jasaldy
Qazaqstan vızasyz elder tizimin 80 memleketke deıin keńeıtti. Bul týraly QR Syrtqy ister mınıstrliginiń resmı ókili Aıbek Smadıarov aıtty, dep habarlaıdy Almaty-akshamy.kz QazAqparatqa silteme jasap.
«2022 jyly vızasyz elderdiń tizimi pasporttardyń ártúrli sanattary boıynsha 80 memleketke deıin keńeıtildi. Onyń ishinde jalpy azamattyq pasporttar úshin - 26 memleket. Pasporttardyń ártúrli sanattary boıynsha 9 jańa elmen ózara kelisimder jasaldy: Maldıv araldary, Andorra, Nıkaragýa, Venesýela, Bolıvıa, Paragvaı, Domınıkana, Albanıa jáne Belız», - dedi ol mınıstrliktiń osy jylǵy jumysyn qorytyndylaýǵa arnalǵan baspasóz máslıhatynda.
Budan bólek, onyń aıtýynsha, osy jyldyń 12 qazanynda Qatarmen dıplomatıalyq jáne arnaıy pasporttardyń ıeleri úshin vızalardan ózara bosatý týraly úkimetaralyq kelisimge ózgerister engizý týraly hattamaǵa qol qoıyldy. Ol jalpy azamattyq pasporttardyń ıelerin vızalyq talaptardan bosatady.
«Qolaıly ınvestısıalyq ahýaldy qurý, iskerlik baılanystardy jandandyrý jáne eldiń týrısik áleýetin arttyrý úshin QR Úkimeti Iran Islam Respýblıkasynyń, Qytaı Halyq Respýblıkasynyń jáne Úndistan Respýblıkasynyń azamattary úshin vızasyz rejım engizdi. Bul osy elderdiń azamattaryna Qazaqstan aýmaǵynda 14 kúnge deıin bolýǵa múmkindik beredi», - dedi Aıbek Smadıarov.
Osyǵan deıin Qazaqstannyń «jasyl» ınvestısıalardaǵy róli artyp kele jatqanyn jazǵan bolatynbyz.