Táuelsízdík jyldary Qazaqstan shamamen 400 mlrd dollar ınvestıtsıya tartty.
Bıyl elímízde qūny 3,7 mlrd dollar bolatyn 36 ınvestıtsıyalyq joba sheteldíkterdíń qatysuymen íske asyryldy. Būl turaly QR Syrtqy íster mınıstrlígíníń resmı ókílí Aıbek Smadıyarov aıtty, dep habarlaıdy Almaty-akshamy.kz QazAqparatqa sílteme jasap.
«Pandemıyaǵa baılanysty álem protektsıonızmge, sanktsıyalarǵa jáne sauda qarsylyǵyna baılanysty ózíníń kópjaqty sauda júıesí úshín úlken synaqtarǵa tap boldy. Tıísínshe, ekonomıkalyq dıplomatıyaǵa jáne sheteldík ınvestıtsıyalardy tartuǵa erekshe nazar audarylady. Táuelsízdík jyldary Qazaqstan shamamen 400 mlrd dollar ınvestıtsıya tartty», - dedí ol mınıstrlíktíń osy jylǵy jūmysyn qorytyndylauǵa arnalǵan baspasóz máslıhatynda.
Onyń atap ótuínshe, elímízdíń Syrtqy íster mınıstrlígí men Elshílíkter otandyq ónímdí sheteldík naryqtarda ílgeríletuge járdemdesu, eksport-ımporttyń ózara tıímdí protsesí ayasynda jańa áríptestermen senímdí ískerlík baılanystar ornatu, Qazaqstanǵa sheteldík ınvestıtsıyalardy tartu boıynsha jūmys júrgízíp jatyr.
«Osy jyldyń basynan berí sheteldíkterdíń qatysuymen jalpy somasy 3,7 mlrd dollar bolatyn 36 ınvestıtsıyalyq joba paıdalanuǵa beríldí. 3,8 myńnan astam jūmys orny qūryldy. Būl rette osy jyldyń sońyna deıín kemínde 5 joba paıdalanuǵa beríledí dep kútíledí. Ekonomıkanyń túrlí salalarynda ūsynylǵan ınvestıtsıyalyq jobalardyń jalpyūlttyq pulymen jan-jaqty jūmys júrgízílíp jatyr. Búgíngí tańda pul álemníń 30-dan astam elínen jalpy somasy 32,1 trln teńgege ınvestıtsıya tartatyn 932 jobadan tūrady jáne shamamen 130 myń jūmys ornyn qūrudy kózdeıdí», - dedí Aıbek Smadıyarov.