Búginde bul kórsetkish 1 mıllıard dollarǵa jetken.
Bishkekte Qazaqstan-Qyrǵyz úkimetaralyq keńesiniń 10-otyrysy ótti, dep habarlaıdy Almaty-akshamy.kz
Qazaqstan Premer-Mınıstri Álıhan Smaıylov Qyrǵyzstan Qazaqstannyń negizgi saýda-ekonomıkalyq seriktesteriniń biri ǵana emes, sonymen qatar dástúrli dostyq qarym-qatynastar baılanystyratyn baýyrlas memleket ekenin atap ótti.
Qazaqstan Úkimetiniń basshysy eki el arasyndaǵy taýar aınalymyn arttyrý máselesine erekshe toqtaldy, ol qazirdiń ózinde 1 mıllıard dollarǵa jetip otyr.
«Álbette, biz munymen shektelip qalmaımyz, eki eldiń áleýeti budan da joǵary dep esepteımin. Bizdiń aldymyzda turǵan endigi mindet – ózara saýda deńgeıin $2 mlrd-qa deıin jetkizý», – dedi Álıhan Smaıylov.
Qoıylǵan maqsatqa qol jetkizý úshin taýar nomenklatýrasyn keńeıtip, ındýstrıalyq saýda-logıstıkalyq keshenderdi qurý jónindegi jumysty jandandyryp, kóleńkeli taýar aınalymyna qarsy kúres sharalaryn kúsheıtý qajet.
Al Qyrǵyzstan mınıstrler kabınetiniń basshysy Aqylbek Japarov eki halyq arasyndaǵy tarıh pen mádenıettiń ortaqtyǵyna, ózara túsinistik pen senimge negizdelgen dostyq jáne baýyrlastyq baılanystar ortaq maqsat – halyqtarymyzdyń gúldenýi men ál-aýqatyn arttyrýǵa kómektesetinine senim bildirdi.
Kezdesý sońynda taraptar kelissózderdiń jemisti bolǵanyn atap ótip, tatý kórshilik jáne strategıalyq seriktestik rýhynda memleketaralyq belsendi is-qımyldy jalǵastyrýǵa daıyn ekenderin bildirdi.
Kelissózder qorytyndysy boıynsha úkimetaralyq keńestiń 10-otyrysynyń hattamasyna, sondaı-aq «GFC Bishkek» JSHQ qurý týraly kelisimge qol qoıyldy.
Kelisim AHQO Jasyl qarjy ortalyǵynyń jáne qyrǵyzstandyq seriktester – «Aıyl Bank» AAQ, «Qyrǵyz qor bırjasy» JAQ jáne «Qyrǵyzstan bankteriniń odaǵy» ZTB qatysýymen birlesken kompanıa qurýdy kózdeıdi. Birlesken kompanıany qurý «Astana» halyqaralyq qarjy ortalyǵyn Qyrǵyzstanda jáne Ortalyq Azıa óńirinde ilgeriletýge baǵyttalǵan.