Velokomanda 2022 jyldan bastap «Astana Qazaqstan Team» dep atalady
Kezdesý barysynda Memleket basshysyna «Astana Group» kompanıasynyń jumysy men damý perspektıvalary týraly aqparat berildi, dep habarlaıdy Almaty-akshamy.kz
Atap aıtqanda, Nurlan Smaǵulov Qasym-Jomart Toqaevqa kompanıalar tobynyń búdjetke tólep otyrǵan salyq mólsheriniń 90 mıllıard teńgege deıin artqany, eksport tasymalynyń óskeni, sondaı-aq jeńil tehnıka shyǵaratyn zaýytty keńeıtýge jáne Almaty qalasyndaǵy beıneleý óneri mýzeıiniń qurylysyna qatysty josparyn aıtty.
Prezıdentke «Mega» saýda ortalyqtarynyń halyqqa ekpe salý naýqanyna atsalysyp jatqany jóninde málimet berildi. Nurlan Smaǵulovtyń aıtýynsha, atalǵan saýda ortalyqtarynda 150 myńnan astam adamǵa vaksına salynǵan.
Sonymen qatar bıznesmen Prezıdentke búdjeti 1 mıllıard teńge bolatyn óziniń qaıyrymdylyq qorynyń qyzmeti týraly da aıtty. Qor mádenıet pen sportty damytýǵa áleýmettik-qarjylaı qoldaý kórsetip, turmysy tómen otbasylarǵa kómek kórsetedi.
Budan bólek Nurlan Smaǵulov elimizdiń Velosport federasıasynyń prezıdenti retinde Memleket basshysyna balalar men jasóspirimder sportynyń jaǵdaıy jáne «Astana – Premier Tech» velokomandasynyń rebrendıngi týraly baıandady. Velokomanda 2022 jyldan bastap «Astana Qazaqstan Team» dep atalatyn bolady.
Qasym-Jomart Toqaev kompanıanyń bastamalaryna oń baǵa berip, tabys tiledi.