Bul týraly QR Indýstrıa jáne ınfraqurylymdyq damý mınıstrligi Azamattyq avıasıa komıtetiniń tóraǵasy Talǵat Lastaevtyń Boeing kompanıasynyń vıse-prezıdenti Monte Freızermen kezdesýinen málim boldy, dep habarlaıdy almaty-akshamy.kz
QR Indýstrıch jáne ınfraqurylymdyq damý mınıstrligi baspasóz qyzmetiniń habarlaýynsha, kezdesýde Boeing 737 MAX jáne 787 Dreamliner áýe kemelerin Air Astana jáne SCAT áýe kompanıalaryna jetkizý máseleleri talqylandy.
Keıin T.Lastaev pen M.Freızer QR men AQSH arasynda tikeleı áýe qatynasyn ashý, sondaı-aq Qazaqstanda Boeing kompanıasynyń jattyǵý jáne tehnıkalyq ortalyqtaryn ornalastyrý múmkindigine qatysty máselelerdi talqylady.
Sondaı-aq eki tarap Boeing kompanıasynyń AQSH Federaldyq azamattyq avıasıa basqarmasynyń (FAA) Ushý qaýipsizdigin halyqaralyq baǵalaýynan (IASA) jedel ótý úshin Qazaqstannyń avıasıalyq ákimshiligine óteýsiz tehnıkalyq kómek berý jáne QR men AQSH arasyndaǵy tikeleı reısti iske qosý úshin CAT1 mártebesin alý týraly ýaǵdalasty.
Álemdik tájirıbeni negizge alatyn bolsaq, arnaıy konsaltıńtik kompanıalardyń tehnıkalyq turǵydan qoldaý kórsetýiniń ortasha quny shamamen $2-2,5 mln quraıdy. Qol jetkizilgen ýaǵdalastyqtar sheńberinde bıyl mamyr aıynyń úshinshi onkúndiginde Boeing mamandary Nur-Sultan qalasyna keledi.
Sonymen qatar, kezdesýge qatysýshylar Qazaqstanda azamattyq avıasıa salasyndaǵy jas talanttarǵa arnalǵan Boeing kompanıasynyń arnaıy oqytý baǵdarlamasyn uıymdastyrý týraly kelisimge qol jetkizdi.