Elde ınternetti paıdalaný deńgeıi óte joǵary
Álemdegi baspa, habar taratý jáne onlaın-BAQ erkindigin baǵalaıtyn Freedom House halyqaralyq úkimettik emes uıymnyń reıtıńisinde Qazaqstan 52-orynda tur, dep habarlaıdy Almaty-akshamy.kz Elorda.info-ǵa silteme jasap.
Osylaısha, elimiz "ınterneti táýelsiz emes" degen mártebe ıe boldy. Reıtıń álemniń ártúrli elinde ınternettiń qanshalyqty táýelsiz (senzýradan) ekenin jáne memleket eldegi ınternet jumysyna qanshalyqty aralasatynyn kórsetedi.
Tizimde Qazaqstannyń kórsetkishi TMD-nyń kóptegen elinen (burynǵy qatysýshylardy qosqanda) tómen. Mysaly, Grýzıa "táýelsiz ınternet" mártebesi bar úzdik 10 eldiń qataryna endi, Ýkraına 26-orynda, Qyrǵyzstan 37-oryndy ıelenip, "ınterneti jartylaı táýelsiz" degen mártebe aldy. Reıtıńte Qazaqstan Kenıa, Gana, Angola, Ekvador, Zambıa, Malavı, Lıvan, Lıvıa jáne basqa da kóptegen damýshy elden tómen tur. Mundaı jaǵdaı Qazaqstannyń bedeline keri áserin tıgizedi (halyqaralyq deńgeıde jáne qazaqstandyqtar arasynda).
Aıta keteıik, bıyl qańtardyń basynda elimizde ınternettiń óshýine baılanysty kóptegen kompanıa jumysyn toqtatqan edi. Sondaı-aq turǵyndar qolma-qol aqshasyz tólemderdi júzege asyra almaı qınaldy. 2021 jylǵy jeltoqsannyń basynda Qazaqstanda ınternetti paıdalanatyn 16,5 mln uıaly baılanys abonenti tirkelgen. Elde ınternetti paıdalaný deńgeıi óte joǵary.