Qazaqstan kórshi Reseı elinen 100 myń tonna dızel otynyn ımporttaıdy, dep habarlaıdy almaty-akshamy.kz
Pavlodar zaýytyndaǵy jóndeý jumystarynyń saldarynan elde dızel otynynyń tapshylyǵy seziledi. Sebebi Atyraý men Shymkenttegi zaýyt ishki naryqtyń qajetin tolyq qamtamasyz ete almaıdy.
Ótken bir aptada Qazaqstanǵa shetelden 15 myń tonna ónim jetkizildi. Pavlodardaǵy zaýyt qazan aıynyń sońynda aıaqtalýy tıis. Sol kezde otyn óndirisi rettelmek.
– Qazir iri janar-jaǵarmaı quıý stansalarynda dızel otynynyń baǵasy 207-208 teńgeni quraıdy. Qalǵandary 230-240 teńgeden saýdalap jatyr. Kórshi elderde otyn quny áldeqaıda qymbat bolǵandyqtan, elge kelgender dızeldi bizden satyp alýǵa tyrysady. Pavlodar zaýytynda jóndeý jumystary bastalatyndyqtan, biz otyndy kórshi Reseıden ımporttaýǵa májbúrmiz. Tıisti kelissóz júrgizdik, - dedi QR Energetıka mınıstriniń orynbasary Áset Maǵaýov.