Bul Almatynyń kóshi-qon polısıasy júrgizgen 3 kúndik tekseris nátıjesinde anyqtalǵandary.
Quzyrly organ úsh kún ishinde megapolıste kóshi-qon zańnamasyn buzýdyń 405 deregin tirkegen, dep habarlaıdy Almaty-akshamy.kz.
Onyń 281-in shetel azamattary jasaǵan. Sondaı-aq sheteldikterdiń elimizde bolý zańdylyǵyn qamtamasyz etý sharalaryn qoldanbaǵany úshin 115 otandasymyz ákimshilik jaýapkershilikke tartylǵan.
«Jumys berýshi toǵyz otandasymyz sheteldik jumys kúshin tartý tártibin buzǵan. PD-niń qabyldap-taratýyna jeke basyn kýálandyratyn qujaty joq 192 sheteldik ornalastyryldy. Sonymen qatar is-shara barasynda zańsyz kóshi-qon arnalaryn uıymdastyrý boıynsha 5 qylmystyq is tirkeldi», - deıdi Almaty qalasy PD kóshi-qon qyzmeti basqarmasynyń bastyǵy Asqat Býtýnchınov.