Onda 24 komanda oınaıdy.
Qazaqstan birinshi ret Fifa Nations Series 2022 álem chempıonatyna joldama aldy, dep habarlaıdy Almaty-akshamy.kz «Sport Shredıngera» Telegram arnasyna silteme jasap.
Aqnazar Bekseıitov (Qaraǵandy) pen Oljas Esentaev (Jezqazǵan) oınaıtyn ulttyq qurama FIFA-nyń eń jaqyn serveri BAÁ-de ornalasqandyqtan, Dýbaıǵa baryp, irikteý dodasynan ótip qaıtqan.
Qazaqstandyqtar irikteýdiń eki kezeńinen ótip, 2022 jylǵy álem chempıonatyna joldama alǵan úzdik úsh komandanyń qataryna endi. İrikteýde komanda quramynda 2018 jylǵy álem chempıony jáne FIFA nusqasy boıynsha jyldyń eki dúrkin jeńimpaz oıynshysy oınaıtyn Saýd Arabıasynyń komandasyn jeńdi.
Fınal 27-30 shilde aralyǵynda Kopengagende ótedi. Onda 24 komanda oınaıdy. 2022 jylǵy álem chempıonatynyń júlde qory – 400 myń dollar.
Fifa Nations Series 2022-EA SPORTS 2v2 formatyndaǵy FIFA 22 fýtbol trenajeri boıynsha halyqaralyq sporttyq týrnır. Oǵan álemniń túkpir-túkpirinen Fýtbol qaýymdastyqtarynyń qurama komandalary qatysady. Fifa Nations Series FIFA – halyqaralyq fýtbol federasıasynyń resmı týrnıri. 2019 jyldan beri jyl saıyn ótip keledi.