Elimizdiń azamattary qandaı jumys izdeıdi?
Olx.kz onlaın-habarlandyrýlar qyzmetiniń sarapshylary Qazaqstannyń eńbek naryǵyn zerttedi, dep habarlaıdy Almaty-akshamy.kz
"Bir jyl ishinde qashyqtan jumysty izdeýshilerdiń sany 32%-ǵa ósken, al mundaı jumys usynýshylar, kerisinshe, 2%-ǵa qysqarǵan. Sondaı-aq qazaqstandyqtardyń erkin grafıktegi jumysqa suranysy 45%-ǵa artqan. Adamdar jobalyq jáne ýaqytsha jumystarǵa 47%-ǵa kóbirek qyzyǵa bastaǵan.
Pandemıanyń áserinen jurtshylyq keıin de erkin grafıktegi jumysty kóbirek izdeıtin bolǵan, biraq jumys berýshiler birtindep burynǵy qalypqa kóshýge tyrysýda", – deıdi sarapshylar.
Olardyń aıtýynsha, 2021 jyly eń suranysqa ıe mamandar tizimine júrgizýshi (23%), satýshy (20%) jáne aspaz (14%) kirgen.
Jumys izdeý boıynsha eń tanymal kún – dúısenbi bolsa, bos jumys orny týraly habarlandyrýlar kóbine seısenbiden bastap shyǵady.