Sút beziniń qaterli isiginde qoltyq astyndaǵy lımfa túıinderi jıi zaqymdalady
Kúzetti lımfotúıinniń bıposıasy nemese Sentinel Lymph Node Biopsy (SLNB) – qaterli isiktiń shekarasynan tys qaterli úderistiń taralýyn anyqtaýǵa, ıaǵnı sút beziniń qaterli isigi kezinde lımfa túıinderinde eń bastapqy, erte prosesterdi (metastazdardy) anyqtaýǵa múmkindik beretin shaǵyn ınvazıvti hırýrgıalyq aralasý. Mundaı qondyrǵy Almatylyq onkologıalyq ortalyqta ornatylǵany týraly mammologıa bólimshesiniń meńgerýshisi Serik Baıdilbekov aıtyp ótti, dep habarlaıdy Almaty-akshamy.kz atalǵan ortalyqtyń baspasóz qyzmetine silteme jasap.
Kúzetti (dabyldy) lımfa túıini- bul aımaqtyq lımfalyq baseındegi birinshi lımfa túıin, ol arqyly lımfa bastapqy isikten shyǵyp, eń aldymen, isik jasýshalarymen zaqymdanady.
Kezinde sút bezi isigin alyp tastaǵan kezde, olardyń metastazamen zaqymdanǵany anyqtaı almaǵanı sebepti, oǵan jaqyn ornalasqan barlyq lımfa túıinder de alynǵan. Lımfa túıininiń rezeksıasy kezinde kúzetti túıinge nemese túıinder tobyna aparatyn lımfa tamyrlary kesiledi. Bul lımfanyń qalypty aǵynyn buza otyryp, lımfa suıyqtyǵynyń qalyptan tys jınalýyna ákeldi, bul óz kezeginde isinýge aparady.
Lımfostaz naýqasta zaqymdanǵan jerinde aýyrsyný men yńǵaısyzdyqty týdyrady, al aınalasyndaǵy teri qalyńdap qataıady. Lımfedemanyń damý yqtımaldyǵy joıylǵan lımfa túıinderiniń sanynyń ulǵaıýymen bolýy múmkin. «Sút beziniń qaterli isiginde qoltyq astyndaǵy lımfa túıinderi jıi zaqymdalady».
Buryn biz keýde bulshyqetterine jaqyn jerde ornalasqan barlyq lımfa túıinderimen qosa isikterdi alyp tastaıtynbyz. Kóbinese lımfany alyp tastaǵan adamdarda keıinnen «shoraıaq» aýrýy damı bastady, basqa sózben aıtqanda, biz ómir súrý saltyna, qalypty túrde qozǵalýǵa kúrdeli kedergi keltiretin jáne psıhologıalyq yńǵaısyzdyq týdyratyn lımfalyq isikter týraly aıtyp otyrmyz. Endi osy jabdyqtyń kómegimen isiktiń janyndaǵy lımfa júıesiniń zaqymdanǵanyn anyqtaýǵa bolady.
Ol úshin isiktiń janyna arnaıy zat engizemiz, sodan keıin arnaıy jabdyqty paıdalana otyryp, osy zaty bar lımfa túıinin tabamyz. Dabyldy lımfa túıini tabylǵannan keıin terige kishkene tilik jasap, túıindi alyp tastaımyz. Sodan soń, patogıstolog alynǵan kúzetti lımfo túıindi isik jasýshalarynyń baryna zertteıdi.
Eger de qaterli isik anyqtalsa, hırýrg qosymsha lımfa túıinderin dereý alyp tastaı alady, eger joq bolsa, onda naýqas lımfa júıesine aýqymdy travmatıkalyq aralasýdan aýlaq bolady, tek isik joıylady», - dedi maman. Serik Baıdilbekovtyń aıtýynsha, naýqastan lımfa túıinderi neǵurlym az alynyp tastalsa, isik joıylǵannan keıin asqyný yqtımaldyǵy soǵurlym az bolady.