QR Prezıdenti Qasym-Jomart Toqaev referendýmda daýys bergennen keıin qazaqstandyqtardy úlken ózgerister kútip turǵanyn aıtty, dep habarlaıdy almaty-akshamy.kz
«Alda úlken jumys bar. Búgin ózgerister engizýge daýys berip jatqan Konstıtýsıany iske asyrý kerek. Atap aıtsaq, partıalarǵa, Parlamentke qatysy bar zańnamalarǵa ózgeris engizilmek. Parlamentimiz bul mindetti abyroımen atqarady dep oılaımyn», - dedi Memleket basshysy.
Prezıdent Qazaqstan halqy daýys berip jatqan túzetýler eldiń qoǵamdyq ómirine úlken ózgerister engizýdi kózdeıtinin atap ótti.
«Túptep kelgende memleket pen qoǵamnyń arasyndaǵy qatynastyń paradıgmasy ózgeredi, adam quqyqtary birinshi orynǵa shyǵady. Bul - asa mańyzdy. Konstıtýsıada Adam quqyqtary jónindegi ombýdsmen jańa mártebege ıe bolady. Ombýdsmen Konstıtýsıalyq Sotqa júgine alady. Ol organ da biz úshin jańa ınstıtýt», - dedi Qasym-Jomart Toqaev.