Memleket basshysy Qasym-Jomart Toqaevtyń Almaty qalasy jurtshylyǵymen kezdesýi ótip jatyr, dep habarlaıdy Almaty-akshamy.kz.
«Bul aımaqtardyń ereksheligin eskere otyryp, Almaty aglomerasıasy sheńberinde óńdeý ónerkásibin damytý kerek. Osy jyldyń sońyna deıin «Aglomerasıalardy damytý týraly» jańa zań qabyldanady. Bul zań eki aımaqtyń arasyndaǵy ózara tyǵyz baılanystar ornatýǵa negiz bolmaq.
«Almatynyń tarıhı ortalyǵy – ómir súrý úshin asa qolaıly jer. Qajetti nárseniń bári jaqyn jerde ornalasqan. Alaıda, ortalyqtyń ózine tán túıtkilderi bar. Atap aıtqanda, komýnaldyq júıe tozyp barady. Ǵımarattar bir-birine óte tyǵyz ornalasqan. Joldarda keptelis kóp.
Sondaı-aq, shetkeri aýdandardyń damýy tym kenje qalyp otyr. Áleýmettik nysandar jetispeıdi. Jurt serýenge baratyn saıabaqtar tapshy. Negizinen jer úıler kóp salynǵan. Tipti, qys aılarynda qara tútin qaptaıdy. Azamattardyń demalysyn paıdaly ótkizetin qoǵamdyq oryndar az. Kólik jáne ınjenerlik ınfraqurylym da jetkiliksiz.
Ákimdiktiń basty mindetiniń biri – ortalyq pen shettegi aýdandardyń arasynda paıda bolǵan osy teńsizdikti joıý. Qala – bárine ortaq. Sondyqtan qalanyń ıgilikteri de barlyq turǵyndarǵa birdeı qoljetimdi bolýy tıis»