1259 adamdy aldaǵan
Qyzylordada turǵyndardy bir jarym mıllıard teńgege aldaǵan qarjy pıramıdasyn uıymdastyrýshylar sottaldy, dep habarlaıdy Almaty-akshamy.kz.
Qyzylorda qalasynyń №2 sotynyń baspasóz qyzmetiniń málimetinshe, 1259 adamdy aldaǵan qarjy pıramıdasynyń tórt uıymdastyrýshysy sottaldy. Olar aqsha tartýdyń alaıaqtyq sqemasyn Qyzylorda, Aqtóbe, Pavlodar, Shymkent jáne basqa da qalalarda uıymdastyrǵan.
"Uıymdasqan qylmystyq toptyń basshysy S. men onyń sybaılastary P., N., A. 2019 jyldyń tamyzynan 2020 jyldyń aqpanyna deıingi aralyqta ekonomıkalyq qyzmet salasynda aýyr qylmystyq quqyq buzýshylyq jasaǵan. Qyzylorda qalasynda "Vygodnyı Zaım" JSHS jáne "Garant 24 lombard" JSHS fılıaldary turǵyndardan aqsha tartýǵa baǵyttalǵan zańsyz qyzmet kórsetken", - delingen habarlamada.
Sottalǵandar qylmystyq áreketterimen 1259 jábirlenýshige 1 561 218 377 teńge múliktik zalal keltirgen.
"İsti qaraý barysynda múliktik zalaldy óndirý týraly talap aryzdan bas tartyp, qaraýsyz qaldyrýdy suraǵan jábirlenýshiler boldy. Sotta sottalýshylar aıyptaý aktisi men talapty moıyndamaıtynyn kórsetti. Q. Sottalýshylar is qujattaryndaǵy aıǵaqtarmen, saraptama qorytyndysymen jáne jábirlenýshilerdiń, kýálardyń aıǵaqtarymen rastaldy", - dedi sottyń baspasóz qyzmeti.
İs boıynsha tórt aıyptalýshynyń barlyǵy kináli dep tanyldy - olar 7 jyldan 8 jylǵa deıin túrmege qamaldy.