Búgin elordada Premer-Mınıstrdiń orynbasary – Qarjy mınıstri Erulan Jamaýbaev halyqpen kezdesý barysynda salada atqarylyp jatqan jumystardy túsindirdi, dep habarlaıdy Almaty-akshamy.kz Inform.kz-ke silteme jasap.
]Kezdesý barysynda memlekettik apparat qyzmetin jetildirý turǵysynda zamanaýı sıfrlyq tehnologıalardy engizýge erekshe ekpin qoıylyp otyrǵany aıtyldy. Memlekettiń búdjetti josparlaý rásimderin sıfrlandyrýǵa arnalǵan tıisti jobasy júzege asyrylyp jatyr. Keıingi eki jylda onyń birinshi jáne ekinshi kezeńderi iske asyryldy. Bul óz kezeginde respýblıkalyq búdjetti elektrondy tártipte qurýǵa múmkindik berdi. Bıyl jyl aıaǵyna deıin strategıalyq qujattar men respýblıkalyq búdjetti qalyptastyrýdyń barlyq kezeńi tolyq kólemde sıfrlandyrylmaq. Sonymen qatar, Qarjy mınıstri kezdesýge kelgen turǵyndardyń suraǵyna jaýap berdi. Osy oraıda, vedomstvo basshysyna «Qazaqstan halqyna» qorynan bólingen kómek qarajatyna qatysty saýal qoıyldy.
«Atap aıtqanda, «Qazaqstan halqyna» qory aýqymdy joba ekenin bilesizder. Meniń bilýimshe, onda 130 mlrd teńgeden astam qarajat jınaldy. Ony qurý ıdelogıasyna toqtalsaq, qorǵa jınalatyn jáne qordan bólinetin kómek qarajatyna salyq salynbaıdy. Sondyqtan, bul baǵytta eshqandaı salyq salý tártibi eskerilmegen», - dedi E. Jamaýbaev.
Mınıstr qazirgi kezde vedomstvodaǵy jáne óńirlik qurylymdardaǵy qyzmetkerlerdiń jalaqysyn kóterý jumystary júrip jatqanyn aıtty. Kezdesý kezinde búdjettiń ashyqtyǵy, kadr saıasatyn jetildirý jáne basqa da máseleler kóterildi.