Bul is boıynsha 22 adamǵa aıyp taǵylǵan.
Ózbekstanda 1-2 shildede Qaraqalpaqstanda bolǵan tártipsizdikterge qatysty qylmystyq is boıynsha sot prosesi bastaldy. Bul is boıynsha barlyǵy 22 adamǵa aıyp taǵylǵan, dep habarlaıdy Almaty-akshamy.kz Inbusiness.kz silteme jasap.
Qylmystyq isti Ózbekstan quramyndaǵy Qaraqalpaq Respýblıkasynyń qylmystyq ister boıynsha sot alqasynyń tóraǵasy E. Ábıbýllaev bastaǵan Buhara oblystyq soty qaraıdy.
Sottalýshylarǵa konstıtýsıalyq qurylymǵa qol suǵý, shabýyl jasaý, qoǵamdyq qaýipsizdik pen tártipke qaýip tóndiretin materıaldardy daıyndaý, saqtaý jáne taratý, qarý-jaraq pen oq-dárilerdi saqtaý, qasaqana aýyr dene jaraqatyn salý, memlekettik jáne jeke múlikke zıan keltirý sıaqty quqyqbuzýshylyqtar jasady degen aıyptaýlar taǵyldy.
Núkis oqıǵasyn zerttegen Parlament komısıasynyń suraýymen Ózbekstan bas prokýratýrasy aıyp taǵylǵan taǵy da 107 adamdy "gýmanızm prınsıpimen" bostandyqqa shyǵarǵan.